Реал Мадрид патуваше осум часа до Казахстан и предизвика хаос (Видео)

Неверојатен интерес за доаѓањето на Кралскиот клуб во Алмати.

Реал Мадрид пристигна во Казахстан за натпреварот против Кајрат. Се работи за второто коло од Лигата на шампионите, кое ќе се одигра во вторник, со почеток во 18:45 часот по средноевропско време.

Очекувано, посетата на еден од најпознатите клубови на светот стана најважен настан во месецот во Казахстан, изгледаше како цел град да излезе за да ги пречека Шпанците.

Сепак, Реал не се појави пред навивачите. Тимот на Чаби Алонсо пристигна во Казахстан доцна, околу полноќ по локално време.

Патувањето до Алмати траеше повеќе од осум часа и, според сите изгледи, многу ги исцрпи фудбалерите. На фотографиите од клубот тие изгледаа прилично уморни.

Во меѓувреме, пред аеродромот се собраа многу луѓе, сите чекаа мадридскиот тим. Но, тие не успеаја да ги дочекаат, бидејќи Реал излезе преку ВИП зоната, што предизвика бран негодување кај казахстанските навивачи.

Таму, пред ВИП зоната, исто така беа присутни фанови кои успеааа барем да го видат и испратат автобусот на „Кралскиот клуб“.

Реал брзо стигна до еден од хотелите во Алмати. Иако клубот ги резервираше сите соби, пред и во лобито на хотелот повторно се собра многу луѓе.

Je viens de voir que les joueurs réal sont au Kazakhstan pour affronter l’équipe kazakh de la ville d’Almaty, Kayrat mais c’est littéralement une équipe asiatique contre une équipe européenne le délire uefa ça part trop en couille 😆 pic.twitter.com/yEZrVLclwY

— The wind (@thewiindd) September 29, 2025

И ништо од ова не е нешто невообичаено. Жителите на Алмати тешко дека ќе имаат друга шанса да го видат „Кралскиот клуб“, а во корист на тоа е и фактот што сите 23,000 билети за натпреварот против шпанскиот тим се распродадоа за неколку часа.

Да потсетиме, казахстанскиот гигант ги продаваше картите по цена од 11,500 до 38,000 рубли (од 98 до 324 евра). Дури и така, во „онлајн редот“ имаше скоро 200,000 луѓе. Сега повеќе нема билети во слободна продажба, а Кајрат вети дека ќе се бори против преупродажбата.