„Ѓоковиќ е истрошен и изморен, а тоа многу добро го знае и самиот“

Поранешниот светски број еден и олимписки шампион од Сиднеј, Евгениј Кафељников, зборуваше во интервју на Јутјуб каналот „Прво и црвено“ за актуелниот врв на светскиот тенис, генерациските промени и статусот на некои од најдобрите играчи денес.

Според неговото мислење, ерата на Карлос Алкарас и Јаник Синер штотуку почнува.

„Карлос Алкарас и Јаник Синер ќе владеат уште долго време. Колку? Мислам дека тоа најмногу зависи од нив двајца. Едноставно, никој не може да им парира. Ни Александар Зверев, ни Новак Ѓоковиќ. За жал, Новак е физички потрошен и тој го знае тоа. А кога се игра на гренд слемовите, на три добиени сета, многу е тешко физички да се издржи битката со младите момци кои се на врвот на својата сила. Се плашам дека ќе ја гледаме нивната доминација барем уште пет години“, рече Кафељников.