Во Ница можел да се случи хаос: Уапсени 100 навивачи на Рома!

Повеќе од 100 навивачи на Рома беа уапсени во Ница поради обид да предизвикаат нереди пред фудбалскиот натпревар помеѓу двата клуба во Лига Европа.

Според информациите на РМС Спорт, безбедносните камери помогнале да се пресретнат навивачите кои се приближувале кон стариот дел на градот во Ница. Од нив биле одземени железни прачки и железни боксирачки.

Ligue Europa : une centaine d’ultras de l’AS Roma munis d’armes interpellés avant le match à Nice https://t.co/7VCCxvkyIr

— CNEWS Sport (@CNEWS_Sport) September 24, 2025

Пoлицијаата во Ница соопшти дека уапсиле 102 лица, идентификувани како „најжестоки вооружени навивачи на Рома“.

„Полицијата ги прекина овие активности и конфискуваше сето оружје“, се наведува во соопштението.

Исто така потврдија и дека ќе има поголемо полициско присуство за време на натпреварот и назначи дека околу 400 полицајци ќе се грижат за јавниот ред.

На сила е забрана за консумирање алкохол на улиците, а ноќните клубови во оваа област ќе бидат затворени порано. Натпреварот меѓу Ница и Рома ќе се игра во среда од 21 час.