Мурињо само што седна на клупата на Бенфика, а веќе размислува за следната работа

Жозе Мурињо се врати во Бенфика по 25 години и вчера го одбележа враќањето со победа. Потоа даде една интересна изјава.

Поминаа многу разговори за ова, а пред неколку дена Жозе Мурињо официјално се врати во Бенфика.

Токму таму започна сè за „Специјалниот“ и сега, по 25 години, повторно е тука во португалскиот клуб. Вчера го одбележа своето враќање со победа против AFS во натпреварот од шестото коло на Примеира лигата.

Стрелци за Мурињовата екипа беа Георги Судаков, Вангелис Павлидис и Фрањо Ивановиќ.

По натпреварот, Мурињо даде многу интересна изјава која се однесува на неговата иднина.

„Размислувам за тоа, би сакал некогаш. Се надевам дека ќе ја тренирам Португалија, но засега сум во Бенфика – тоа е одличен клуб“, изјави Португалецот.