Деко проговори за иднината на Френки де Јонг

Спортскиот директор на Барселона Деко откри дека каталонците би сакале да го продолжат договорот на холандскиот играч Френки де Јонг.

Сегашниот договор на играчот со шпанските шампиони истекува на крајот од оваа сезона.

“Преговараме. Мислам дека ќе постигнеме договор. Тој е важен играч за нас. Мислам дека е среќен во Барселона. И ние сме задоволни од него. Значи, не мислам дека има некакви проблеми тука”, кажа Деко.

Де Јонг учествуваше во два натпревари од Ла Лига оваа сезона досега, а Transfermarkt ја проценува неговата пазарна вредност на 45 милиони евра.