Финалето на машкиот троскок на Светското првенство во атлетика во Токио понуди максимална неизвесност. Педро Пикардо, 32-годишен Кубанец со португалски пасош, го презеде водството во втората серија скокајќи 17.55 метри и долго време го задржа првото место. Во последната рунда Андреа Далавејл скокна 17.64 метри и кратко време беше прв. Тогаш Пикардо, под најголем притисок и со една преостаната можност, одговори со скок од 17.91 метри и освои нова титула светски шампион.
„Бев исплашен, но секогаш оставам малку за последниот скок. Мојата сопруга тоа не го сака многу, секогаш вели дека треба да дадам се од себе уште во првиот скок. Во петтиот скок зачував малку енергија и сега имаме победа. Кога Андреа го презеде водството, тоа малку ме потресе, но знаев дека имам сили за уште еден скок. Ова е град кој ќе го носам во срцето цел живот – тука станав олимписки победник, а сега и светски шампион”, рече Pichardo.
Кој ќе победи во Beer Pong - Лига на Шампиони
Пикардо по минатата сезона размислуваше за прекин на кариерата. За тоа зборуваше вака: “Мојот татко ми ја пренесе енергијата, направи чудо, особено последниот месец и половина. Повеќе од една недела беше во болница, борејќи се за живот. Тој е тој кој не ми дозволи да застанам, ме замоли да ја одработам барем оваа година.
секогаш велам дека тој е тој кој ќе одлучи кога би требало да ја завршам кариерата. Овој медал е за него, ќе остане во неговата куќа. Тој е личноста која ме одржа ментално силен. Минатата година мојата психичка состојба не беше добра, сакав да се повлечам, но мојот татко многу ми помогна.”
Неговиот татко Jorge истовремено му е главен тренер. Поради инсистирањето татко му да остане тренер, а со спротивставување од Кубанската асоцијација, Пикардо ја напуштил репрезентацијата на Куба, се преселил во Португалија и побарал државјанство. Право на настап за Португалија доби во 2019 година и од тогаш на таа земја и донесе олимписко злато, две светски и една европска титула.
Учество во игри на среќа е дозволено за лица со 18+ години. Играј одговорно!