Ги намали побарувањата: Влаховиќ за 8 милиони евра по сезона во новиот клуб!

Како што пренесуваат италијанските медиуми, Душан Влаховиќ ќе го напушти Јувентус, и покрај одличните партии во последно време.

Српскиот репрезентативец очигледно сака огромна плата што „старата дама“ не може да ја задоволи.

Влаховиќ досега заработуваше 10 милиони евра по сезона, а сега сака барем осум милиони годишно. За Јуве и тоа е преголемо.

И покрај интересот на Милан, Интер, Наполи, ПСЖ, Манчестер Јунајтед, па и Барселона, само Атлетико од Мадрид е подготвен да му ја даде оваа плата.

Чоло Симеоне го сака во главниот град на Шпанија како ударна сила на неговиот тим.