Ѓоковиќ имал понуда која е тешко да се одбие: Никогаш не би го направил тоа!

Најголемиот тенисер на сите времиња, во интервју со Џеј Шети, го сподели своето мислење за тоа што е најважно кога некоја компанија му предлага соработка. Тоа не е парите, колку и да се големи.

„Одбив многу компании бидејќи нивните вредности не соодвествуваа со моите. Ми е тешко да застапувам нешто и да го препорачувам на илјадници луѓе ако не верувам во тоа – никогаш не би консумирал тој пијалок или јадел тој производ. Ако не е компатибилно со мојата филозофија, тогаш нема да оди. За моите агенти тоа можеби не е идеално, но мирен сум во душата бидејќи знам дека правам вистинска работа“, истакна Новак.

Српскиот ас разговараше и за младите тенисери.

„Седиме едни покрај други, загреваме се еден до друг пред големите финалиња. Во фудбалот и кошарката противниците не се гледаат додека не излезат на теренот. Кај нас, се гледаме, тимовите се гледаат, борбата започнува веќе тогаш. Од тој аспект е тешко да очекуваш некој да ти се обрати за совет, но постојат други начини надвор од теренот. Има млади играчи кои се отворени, љубопитни и флексибилни. Зависи и од карактерот, некои се посрамежливи. Често се случува членови на тимот на некој играч да ме прашаат преку мојот тим, а потоа јас приоѓам и велам: ‘Во ред е, можеме да зборуваме’. Добивам одговор: ‘Да, но не сакам да те прекинам итн’. Важно е да имаме добра комуникација бидејќи тоа го зголемува меѓусебното почитување“, раскажа Новак Ѓоковиќ.