Италијанскиот скијач Матео Франкозо загина за време на тренинг во Чиле на 25 годишна возраст, соопшти Италијанската федерација за зимски спортови.
Франкозо претрпел сериозна повреда на главата во саботата и оттогаш бил на лекување во болница во Сантијаго, се наведува во соопштението.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Федерацијата наведе дека била информирана за смртта на скијачот од медицинските службеници во Чиле и дека Франкозо не ја преживеал повредата на черепот која довела до оток на мозокот.
Франкозо победил во супервелеслаломот на Европскиот куп во 2021 година. Во трките на Светскиот куп никогаш не бил меѓу 20-те најдобри скијачи.
„Ова е трагедија за неговото семејство и за нашиот спорт”, изјави претседателот на Федерацијата Флавио Рода, потсетувајќи на смртта на 20-годишната скијачка Матилде Лоренци пред помалку од една година.
Учество во игри на среќа е дозволено за лица со 18+ години. Играј одговорно!