„Ноле, зошто играш? Не можеш да ја освоиш 25. грендслем титула“

Легендарниот германски тенисер Борис Бекер се сомнева дека Новак Ѓоковиќ некогаш ќе стигне до 25. Гренд слем титула.

Поранешниот тренер на српскиот тенисер во подкаст, кој го води со Андреа Петковиќ, изјави дека 2026 година лесно може да биде последната за Новак.

„Играш против Синер или Алкарас и не знаеш колку ќе трае твојата Гренд слем кариера. Ова е првпат отворено да зборуваме за 2026 година како неговата последна кога станува збор за четирите најголеми турнири“, рече Бекер и додаде:

„Спомена дека сè уште може да се натпреварува со најдобрите, тоа е вистина, но зошто сè уште игра тенис? Дали за да ги освои Рим и Монте Карло или 25. Гренд слем титула? Мислам дека е ова второто. Верувам дека не може да го достигне тоа, имајќи ги предвид годините и силата на помладите играчи.”