„Моцарт“ знае како против Шведска и има совет за Вентура

Репрезентацијата на Италија вчера запиша пораз во натпреварот против Шведска во првиот натпревар од баражот за Светското првенство во Русија.

Италијанците одиграа навистина под своето ниво и не заслужија да победат во Стокхолм. Сега ветеранот и легендата на италијанскиот фудбал Андреа Пирло му даде совет на Џампиеро Вентура како да стигне до позитивен резултат во вториот натпревар.

„Во реваншот јас би се одлучил за напаѓачка формација 4-3-3, која би му обезбедила повеќе простор на Лоренцо Инсиње кој лесно може да добива дуели еден на еден со противничките фудбалери“, изјави популарниот „Моцарт“.

„Ова беше натпревар во кој загубивме многу топки на средината од теренот. Мораме лесно и брзо да ја префрламе играта на крилните позиции и на брзите фудбалери да им создававме ситуации еден на еден. Тоа нема да биде лесно, Шведска покажа дека знае да одигра добро и да не ни остава простор. Покрај тоа притисокот сигурно ќе биде на наша страна, ние сме тие кои сме фаворити во овој бараж“, заврши Пирло.