УЕФА објави важна промена на правилата што би можела да ги спаси играчите кои клубовите ги изоставија од списокот од 25 фудбалери за Лигата на шампионите. Откако пет англиски клубови минатата недела ги пријавија своите тимови за ова врвно европско натпреварување, неколку големи имиња останаа изоставени, пренесува Daily Mail.
Како ПАМЕТНО да типувате на World Cup 2026!
Новиот менаџер на Тотенхем, Томас Франк, го изостави засилувањето вредно 30 милиони фунти, Матис Тел, кој потоа призна дека оваа одлука го “повреди”. Габриел Жезус не успеа да најде место во тимот на Микел Артета, Енцо Мареска го изостави новодојденецот Факундо Буонаноте, додека Федерико Киеза остана надвор од плановите на Арне Слот.
Надеж за исклучените ѕвезди
Таквите одлуки значеа дека овие ѕвезди нема да можат да настапат во Лигата на шампионите до нокаут фазата на натпреварувањето. Сепак, благодарение на новата уредба од УЕФА, ова се менува.
Европската фудбалска асоцијација објави дека клубовите ќе можат да регистрираат “привремена” замена доколку еден од нивните играчи претрпи “долготрајна повреда или болест”. Ова правило важи до завршување на групната фаза на натпреварувањата.
Учество во игри на среќа е дозволено за лица со 18+ години. Играј одговорно!