Халанд броеше до пет, Норвешка до 11!

Фудбалската репрезентација на Норвешка триумфираше над Молдавија на свој терен во квалификациите за Светското првенство, со неверојатни 11:1. Натпреварот во Осло го одбележа Ерлинг Халанд, кој постигна дури пет голови против гостите.

Норвежаните уште во првото полувреме го решија прашањето околу победникот, откако на паузата заминаа со водство од пет голови.

Во тој дел од играта Ерлинг Халанд направи хет-трик, а по еден гол додадоа Феликс Мире и Мартин Одегар.

Во втората половина од натпреварот, напаѓачот на Манчестер Сити уште два пати го затресе голот на ривалите, додека резервистот Тело Асгард забележа четири погодоци.

Со максимални пет победи и 15 бодови, Норвешка сега е на чело на Групата I, пред Италија која има девет бодови и натпревар помалку. Само победникот на групата директно се квалификува на Мундијалот, додека второпласираниот мора во бараж.