На повидок потпис: Се најде клуб кој сака да му даде шанса на Деле Али

Рексам оваа сезона е решен сериозно да се вмеша во борбата за промоција во Премиер лигата.

Ова го покажуваат и средствата кои ги инвестираше во летните трансфери, а сега има интерес да го доведе поранешниот играч на Тотенхем, Деле Али.

Навистина, кариерата на екс-англискиот репрезентативец помина низ значителен пад последниве години, но потпис со него би бил голем потег за клубот. Али е моментално без клуб откако не ја продолжи соработката со Комо.

🚨 Wrexham are interested in signing Dele Alli on a free transfer.

He’s had his contract terminated with Italian club Como.

(Source: @MailSport) pic.twitter.com/fwCNVmIPBN

— Transfer News Live (@DeadlineDayLive) September 8, 2025

Во Комо тој настапи само на еден натпревар каде доби директен црвен картон, што ја заврши кратката авантура во италијанскиот тим.

Али во кариерата беше дел уште од Евертон и Бешикташ. Иако има само 29 години, сè уште може да се очекува нешто големо од него, и покрај тоа што во еден момент размислуваше за прекин на кариерата.