Француски новинар предизвика бура: Во репрезентацијата имаме 11 црни фудбалери

Известувачот Пјер Менес, познат по својот контроверзен став, предизвика бура во јавноста поради изјавите околу искуствата на неговиот син со фудбалот, при што изрази жалење за недостатокот на бели играчи, особено во француската репрезентација.

Платформата каде што ги даде изјавите, TVLibertés, се претставува како канал за “реинформација”, тврдејќи дека е првиот алтернативен информативен канал.

Во емисијата наречена Bistro Libertes, Пјер, поранешен спортски новинар за L’Equipe и Canal+, повторно го привлече вниманието откако го критикуваше недостатокот на бели играчи во фудбалот, споменувајќи анегдота што претходно ја сподели на CNews.

“Мојот син тренираше фудбал, но не се истакнуваше посебно во тоа. Подоцна, го запишав на кошарка”, рече Менес, што предизвика смеа кај публиката, а потоа објасни зошто неговиот син престанал со фудбалот.

“Го запишав во Торси, клуб во регионот Île-de-France. По три тренинга, мојот син рече дека повеќе не сака да оди таму. Имаше 11 години и рече: ‘Ме игнорираат, не ми ја додаваат топката, викаат по мене кога ја имам топката и не се тушираат заедно со мене, заминувам.’ Тоа беше вистина, иако ми е жал што го кажувам. Тимот беше сочинет само од Арапи и црнци. Погледнете ја француската репрезентација, денес цел состав е црнци”, додаде Менес.

Коментарите на Менес предизвикаа негативни реакции на социјалните мрежи. Ѓибрил Сисе, поранешен напаѓач на Франција, Оксер и Ливерпул, го осуди ваквиот нејасен став.

“Силно сум разочаран од тебе, Пјер Менес”, напиша, илустрирајќи го својот гнев со емотикони за повраќање.

Très déçu de toi @PierreMenes
🤮🤮🤮🤮🤮🤮🤮🤮 https://t.co/MzczSPw6VK

— Djibril Cisse (@DjibrilCisse) September 4, 2025