ПОРТУГАЛСКАТА репрезентација се собра за прв пат по смртта на Диого Жота. Ѕвездата Рубен Невес му оддаде преголема почит на својот близок другар и соиграч кој го изгуби животот на 28-годишна возраст, пишува Daily Mail. Да потсетиме, Жота и неговиот брат Андре починаа во сообраќајна несреќа на почетокот на јули.
Португалија оваа недела игра први натпревари по трагедијата, во рамките на квалификациите за Светското првенство.. Фудбалската заедница се простува од омилениот играч на различни начини, а Португалскиот фудбалски сојуз симболично повика 23 играчи на списокот, оставајќи едно место празно за Жота, кој за репрезентацијата одигра 49 натпревари и постигна 14 голови.
Тетоважа за вечна меморија
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Една од најемоционалните почести дојде од Рубен Невес, кој беше неутешен на погребот на Жота и голема поддршка за неговата вдовица. На репрезентативниот тренинг во вторникот, Невес ја покажа својата нова тетоважа на левата потколеница, која го прикажува него и Жота во прегратка. Невес и Жота беа големи пријатели и ги делеа дресовите на Порто, Волву и Португалија.
Со цел да го продолжи наследството на својот пријател, Невес во репрезентацијата ќе го носи дресот со број 21, кој припаѓаше на Жота. Веста ја потврди и селекторот Роберто Мартинез. “Дресот со број 21 ќе го добие Рубен Невес, затоа што на тој начин овој број ќе остане на теренот и со сите нас. Имаше многу близок однос со Диого и идеална е личноста да го претставува”, изјави Мартинез.
𝗡𝘂𝗻𝗰𝗮 𝘀𝗲𝗿𝗮́𝘀 𝗲𝘀𝗾𝘂𝗲𝗰𝗶𝗱𝗼. Somos 23+𝟭. 🤍 pic.twitter.com/Z2HFPFk3CR
— Portugal (@selecaoportugal) September 2, 2025
Учество во игри на среќа е дозволено за лица со 18+ години. Играј одговорно!