Францускиот шампион ПСЖ ја освои Лигата на шампионите минатата сезона и се смета за најдобриот тим во светот, но има сериозен проблем поради дуото чии земји одамна се во војна.
Украинецот Илија Забарњиј првпат откако се приклучи на ПСЖ на почетокот на август прозборува за неговиот „однос“ со рускиот голман Матвеј Сафонов за украинската програма Фудбал 360.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во интервју за украинската програма Фудбал 360, новиот стопер на ПСЖ, Илија Забарњиј, беше прашан за неговото соживување со рускиот соиграч.
„Во мојата земја веќе четири години вие истинска војна. Русите се агресори кои залудно се обидуваат да ја уништат слободата и независноста на Украина. Војната продолжува, а јас немам никаква врска со Русите”, изјави украинскиот репрезентативец(со 47 настапи) кој дојде од Борнмут.
„Што се однесува до мојот соиграч, чие име не сакам ни да го споменам, морам професионално да комуницирам со него на тренинзите и ќе ги исполнувам своите обврски кон клубот”, продолжи Украинецот, алудирајќи на Сафонов.
Фото: Принтскрин
Учество во игри на среќа е дозволено за лица со 18+ години. Играј одговорно!