Клубовите од англиската Премиер лига потрошија повеќе од кога било претходно во еден трансфер период, бидејќи ова лето, вкупната сума која ја инвестираа за нови играчи надмина три милијарди фунти.
До вчера, кога беше последниот ден од трансфер периодот, потрошени беа 2,73 милијарди, но големите трансфери на самиот ден на затворање, предводени од преминувањето на Александар Исак од Њукасл во Ливерпул за рекордни 125 милиони фунти – ја зголемија сумата на неверојатни 3,087 милијарди!
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Овој трошок е значително поголем во споредба со минатото лето, кога клубовите од Премиер лигата потрошија 1,96 милијарди фунти.
Замислете, вкупната сума е поголема од она што клубовите од останатите “лига петка” – шпанската Ла Лига, германската Бундеслига, италијанската Серија А и француската Лига 1 – заедно го потрошија.
А кои беа најголемите потрошувачи во Англија?
Ливерпул беше без конкурент, потроши вкупно 415 милиони фунти, со што се постави нов рекорд за најголема сума потрошена од еден клуб во еден трансфер период (претходниот рекорд го држеше Челзи со 400 милиони во 2023 година).
Покрај рекордерот Исак, Ливерпул ги доведе и Флоријан Вирц (116 милиони), Уго Екитике (79 милиони), Јереми Фримпонг (29,5 милиони), Ѓорги Мамардашвили (29 милиони) и Џовани Леони (26 милиони).
Учество во игри на среќа е дозволено за лица со 18+ години. Играј одговорно!