Македонската фудбалска репрезентација од денеска официјално ги почнува подготовките за претстојните две средби што ќе се играат во септември.
Избраниците на селекторот Благоја Милевски од утринските часови се во кампот на националниот тим, а прв тест ги очекува веќе за три дена – контролниот дуел со Саудиска Арабија во Прага. Вистинскиот предизвик доаѓа на 7 септември, кога „црвено-жолтите“ во Скопје ќе го пречекаат Лихтенштајн во рамките на квалификациите за Светското првенство.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Нашата репрезентација влезе одлично во квалификациите – по четири кола сме лидери во групата со осум бодови. Зад нас се Велс со седум, Белгија со четири (и два натпревари помалку), Казахстан со три (еден натпревар помалку), додека Лихтенштајн е единствениот без освоени бодови (со еден меч помалку).
Милевски за овој собир одлучи да повика и двајца новајлии: Елмин Растодер од швајцарски Тун и Решат Рамадани од тетовска Шкендија, кои ќе ја имаат првата шанса да се докажат во националниот дрес.
Учество во игри на среќа е дозволено за лица со 18+ години. Играј одговорно!