Ќе биде големо засилуваање за Евертон: Грилиш играше како во најдобрите денови! (Видео)

Екипата на Евертон го победи Брајтон со 2:0 во натпреварот од второто коло на англиската Премиер лига, одигран на новиот “Хил Дикинсон” стадион.

Дебито пред домашните навивачи го имаше Џек Грилиш, кој, како поранешен играч со број 10 на Манчестер Сити, покажа дека сè уште го има тој врвен квалитет за игра на високо ниво.

Грилиш асистираше за двата гола на “карамелите”. Прво му додаде на сенегалскиот напаѓач Илиман Ендиае, кој постигна водечки гол за домашната екипа во 23. минута. Потоа, во 52. минута, ја предаде топката на Џејмс Гарнер, кој изведе импресивен удар од далечина.

Брајтон имаше совршена можност да се врати во игра 13 минути пред крајот на натпреварот, но Дени Велбек не успеа да реализира пенал.