Милан се засили со голгетерот на Леверкузен

Екипите на Баер Леверкузен и Милан постигнаа усен договор, додека го финализираат документите околу трансферот, со кој напаѓачот Виктор Бонифаце ќе се пресели на Сан Сиро“, соопштуваат Матео Морето и Фабрицио Романо.

Станува збор за позајмица на играчот со опција тој да биде откупен за околу 30 милиони евра. Милан е многу блиску до постигнување договор и со претставниците на Бонифаце за неговите лични услови, што може да се случи уште вечерва.

Нигерискиот репрезентативец е дел од Баер веќе две години, откако пристигна со трансфер од Ројал Унион СЖ во вредност од 22,6 милиони евра. Тој имаше важна улога за титулата во Бундеслигата во сезоната 2023/24, со вкупно 32 гола и 12 асистенции во 61 натпревар за „аспирините“.