Македонскиот фудбалски репрезентативец Елиф Елмас е на прагот на кам-бек во Наполи. Според италијанските медиуми, клубот од „Диего Армандо Марадона“ е подготвен да го донесе на едногодишна позајмица од Лајпциг, за што ќе издвојат 1,5 милиони евра.
Во зделката би стоела и клаузула за целосен откуп наредното лето во износ од 11,5 милиони евра, но без задолжителна обврска. Наполитанците ќе ја покриваат и целата плата на македонецот.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Последниве недели се шпекулираше дека Елмас би можел да се пресели во Турција или во Премиер лигата кај Вест Хем, но се чини дека ќе остане на „чизмата“. Минатата полусезона тој веќе настапуваше во Серија А, бранејќи ги боите на Торино.
Елмас во јануари 2024 направи трансфер од Наполи во Лајпциг за 23 милиони евра, но не успеа да се етаблира во германскиот тим. Фудбалската кариера ја почна во Работнички, а во Наполи дојде во 2019 година од Фенербахче.
Учество во игри на среќа е дозволено за лица со 18+ години. Играј одговорно!