РЕАЛ МАДРИД официјално го претстави својот нов играч. За 45 милиони евра клубот го доведе 18-годишниот Аргентинец Франко Мастантуоно, кој на прес-конференцијата веќе ги изненади присутните со неколку одговори.
“Пресреќен сум и исполнет со енергија. Отсекогаш ми било сон да играм за Реал Мадрид. Благодарен сум на навивачите за поддршката. Кога дознав дека договорот е официјален, сè уште бев во Ривер Плата и мислите ми беа насочени кон тој клуб. Но, кога пристигнав тука, целосно се фокусирав на овој голем клуб”, изјави младиот играч од средината.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Мастантуоно исто така откри дека пред да дојде, имал разговори со тренерот Чаби Алонсо, чија поддршка многу му значела. “Веќе разговарав со Чаби, ме повика лично и беше важно за мене што ми го довери доверието. Деталите од разговорот ќе останат приватни, но неговиот повик ми даде голема самодоверба и многу значеше за мене,” рече тој.
Најголемо внимание привлече неговиот одговор на прашањето кој е најдобриот фудбалер на светот. “За мене тоа е Меси. Како Аргентинец, за мене тој е најдобриот во светот,” изјави Мастантуоно. Неизбежно се поставува прашањето дали во Реал ќе му замерат за таквата изјава, бидејќи секогаш се говорело дека Кристијано Роналдо е подобар од Меси.
Учество во игри на среќа е дозволено за лица со 18+ години. Играј одговорно!