Македонската фудбалска репрезентација на 4 септември ќе одигра пријателски натпревар против Саудиска Арабија, во рамки на официјалниот ФИФА термин. Средбата ќе се одржи на стадионот „Викторија“ во Прага, Чешка, со почеток во 17 часот.
Ова ќе биде трет судир меѓу двете селекции. Првиот се одигра на 1 август 2001 година во Ријад и заврши 1:1, а вториот на 22 октомври 2022 година во Абу Даби, кога Саудиска Арабија славеше со 1:0 против македонска селекција составена од играчи од домашното првенство.
Од лозје до чаша: Уметноста на виното со Теодор Бојаџиев | Уште еден поткаст
Дуелот во Прага ќе биде добра прилика за избраниците на селекторот Благоја Милевски да ја тестираат формата и тактички да се подготват пред продолжението на квалификациите за Мундијалот 2026. Веќе на 7 септември, нашата репрезентација на Националната арена „Тодор Проески“ во Скопје ќе го пречека Лихтенштајн.
Учество во игри на среќа е дозволено за лица со 18+ години. Играј одговорно!