Нема повеќе дилеми: Ѓоковиќ донесе важна одлука и ги израдува своите навивачи

Иако постоеше загриженост дека оваа година нема да го гледаме во Њујорк, Новак Ѓоковиќ потврди дека ќе учествува на УС Опен!

Имено, Новак на својата официјална веб-страница го „апдејтираше“ распоред каде што јасно се гледа дека од 24 август ќе игра на последниот Гренд слем на сезоната.

Новак во моментов одмара во Црна Гора, претходно беше во Грција, а на терен не излезе уште од Вимблдон. Во меѓувреме пропушти Торонто, па „откажа“ и Сенсинати, што за прв пат ќе оди на УС Опен без одигран турнир.

Гренд слем во Њујорк го освои четири пати, додека во минатата сезона заврши во 3. коло. Инаку, ова ќе му биде 19. учество на УС Опен.

Фото: Принтскрин