Менаџерот на Манчестер Сити Жосеп Гвардиола е убеден дека суперталентот на Барселона Ламин Јамал треба да биде оставен да се развива, иако веќе се споредува со легендарниот Лионел Меси.
„Мислам дека Јамал треба да биде оставен да ја развие својата кариера. Кога ќе има одиграно 15 години, ќе кажеме дали е подобар или полош од Меси. Оставете го да си ја развие кариерата. Самото тоа што го споредуваат со Меси, тоа се големи зборови. Како да споредувате еден уметник со Ван Гог. Ќе речат: ‘Вау, не е лош, тоа значи дека е добар’. Самите споредби значат дека тој е добар. Но треба да го оставиме да ја развие својата кариера и ќе видиме што ќе се случи. Да, тој е многу добар, но споредбите со Меси се големи зборови. Тој даваше по 90 голови во сезоната 15 години без прекин и без повреди. Затоа, тоа се големи зборови и оставете го Јамал на мира“, коментира Пеп Гвардиола во интервјуто за шпанското издание на GQ.
Учество во игри на среќа е дозволено за лица со 18+ години. Играј одговорно!