Ништо од Бенфика – Жоао Феликс најде нов клуб и ги изненади сите

Жоао Феликс беше едно време еден од најголемите потенцијали во европскиот фудбал, но неговата кариера низ последните неколку години тргна по надолна линија.

Минатата сезона ја помина во Милано како позајмен играч на Челзи, сезона со која никако не може да се пофали.

Ова лето многу се зборуваше за негово враќање во родниот Португалија и Бенфика каде што ја започнал кариерата, но изгледа ништо нема да биде од тоа.

Имено, во целата таа приказна се вмеша Ал Наср кој понуди повеќе пари и „ќе го украде“ 25-годишникот од Бенфика.

Преговорите се веќе во напредна фаза, конечното спогодување ќе биде постигнато во рок од наредните 24-48 часа, а Португалецот веќе кажа „да“ на саудискиот клуб.

Жоао Феликс така ќе стане уште еден млад играч во низата кој ќе оди во клуб од Блискиот Исток и кој може да заборави на играње сериозен фудбал.

🚨💣 Ал Наср се во напредни преговори да го ангажираат Жоао Фелиш и да го спречат трансферот на Бенфика!

Се разбира дека Ал Наср испратиле предложена трајна зделка на Челзи и договорен предлог до Жоао.

Спогодбата е блиску бидејќи конечните детали се подготвени за размена во следните 24/48 часа. pic.twitter.com/98MfrB4pjo

— Фабрицио Романо (@FabrizioRomano) 26 јули 2025