Арсенал нема да запре по потписот на Ѓокереш – познато кој ќе му „мести“ голови

Во финишот на јули оваа трансфер сезона, најавено е доаѓањето на Виктор Ѓокереш во Арсенал. Додека се чека официјалната промоција на напаѓачот на Спортинг, англиските медиуми веќе активно се занимаваат со плановите за тоа кој следен би можел да пристигне на „Емирати”.

Како што пренесува новинарот на „Индепендент“, Мигел Дилени, лондонскиот клуб, по потпишувањето на Ѓокереш, ќе ги насочи сите напори кон купувањето на офанзивниот играч од средината на Кристал Палас, Еберечи Езе, за кого во актуелниот трансфер период интерес покажал и Баерн од Минхен.

Станува збор за играч кој веќе половина деценија е член на клубот од предградие на Лондон и фудбалер чиешто кариера во последните сезони е во постојан подем, што може да се забележи и по пазарната вредност, која есеноска достигнала врв од 60 милиони евра.

Езе има договор со Палас до летото 2027 година, а фудбалскиот „експлодира“ во последните три сезони, без разлика дали се мисли на шутерски способности или на асистенции, па би можел заедно со Ѓокереш да претставува вистинско освежување во тимот на Микел Артета.

Фото: Принтскрин