Јувентус финализира уште еден важен трансфер

Јувентус официјално го купи Жоао Марио од Порто за 11,4 милиони евра плус дополнителни 1,2 милиони евра како дел од зделката која го праќа Алберто Кошта во спротивната насока. Сумата ќе биде исплатена во текот на четири финансиски години.

Трансферот беше финализиран денес, откако фудбалерот ги помина медицинските прегледи и потпиша договор до јуни 2030 година.

Жоао Марио е производ на школата на Порто. Минатата сезона одигра 42 натпревари, во кои направи 7 асистенции.

25-годишниот фудбалер е десен бек кој може да игра и на поофанзивни позиции во средниот ред или како дел од напаѓачко трио.

Како дел од двојната зделка, Алберто Кошта преминува во Порто во посебен трансфер во вредност од 16 милиони евра. Тоа е добивка за Јувентус, со оглед на тоа дека беше купен од Виторија (Гимараеш) за 12,5 милиони евра во јануари.

Алберто Кошта вкупно одигра 14 натпревари за “бјанконерите” во втората половина од минатата сезона.