Исак ја одби понудата од Ливерпул, но нема да остане во Њукасл: Швеѓанецот приреди најголемо изненадување ова лето

Шведскиот напаѓач Александер Исак привлече внимание со своите одлични настапи во дресот на Њукасл, а најголем интерес за него покажа Ливерпул. Сепак, трансферот на Енфилд нема да се оствари и многумина беа изненадени кога слушнаа за каква понуда размислуваше Исак последниве денови.

Редсите се обидоа на сите начини да го доведат Исак на Енфилд и се чинеше дека тоа е речиси сигурната негова следна дестинација, но како што стојат работите, од тоа нема ништо.

Клубовите не се договорија за обесштетувањето, а и Исак наводно имал услови за договор на кои во Ливерпул не сакаа да се согласат.

На крајот, преминот на Енфилд стана невозможна мисија, па во Ливерпул решија својот фокус да го насочат кон Хуго Екитике кој најверојатно ќе биде нивниот нов напаѓач.

Што се однесува до Исак, очекувањата беа дека ќе остане во Њукасл по сето тоа, но вчера се појави вест која многумина ги остави без зборови.

Наводно, Исак ја разгледува опцијата да замине за Саудиска Арабија бидејќи добил астрономска понуда, а исто така и во Њукасл немаат ништо против тоа со оглед на тоа што би заработиле дури 120 милиони евра.

Дејли Експрес пишува дека Исак веќе пратил порака дека е отворен за таков трансфер и дека не сака да ја исклучи Саудиска Арабија како следна дестинација иако е на врвот на својата кариера.

Се шпекулира дека Ал Хилал е тимот кој му нуди на Исак вистинско богатство и дека би бил еден од најплатените играчи во таа лига доколку се согласи на трансферот.