Овие три клуба „ГАЗАТ“, а никој тоа не го очекуваше!

Mногумина кои го следат европскиот фудбал оваа сезона ќе кажат дека Манчестер Сити во овој момент е тимот со најдобра форма. Но, има и условно кажано помали клубови кои на стартот од сезоната забележуваат голем успех…

Манчестер Сити оваа сезона одигра 17 официјални натпревари, а победија на 16 од нив. Единствениот тим кој успеа да ги запре беше Евертон кој кон крајот на месец август одигра 1:1 на „Итихад“.

Лацио

Екипата на Лацио оваа сезона одигра 16 официјални натпревар, а од нив запишаа победи на 14, еднаш ремизираа и еднаш загубија. На последните 14 натпревари, Лацио забележа 13 победи и еден пораз, а во овој момент се во серија од девет победи во низа. Навистина фантастични бројки за овој тим.

Лион

Освен нив во одлична фрома се наоѓа и Лион. Како и Лацио тие оваа сезона запишаа само еден пораз, но за разлика од Лацио, тие сезоната ја стартуваа со неколку нерешени средби. Исто така одиграа 16 натпревари, а победија на девет од нив, одиграа шест нерешени средби и запишаа еден пораз. Интересно е што се во серија од шест победи во низа во сите натпреварувања со импресивна гол разлика 20:3.

Валенсија

„Шлагот“ го оставивме за крај – Валенсија! Овој шпански клуб игра најдобро во својата историја, а нивната историја во никој случај не може да се каже дека е сиромашна. Екипата од „Местаља“ оваа сезона одигра вкупно 12 натпревари, 11 во Ла Лига и еден во шпанскот куп. Само три клуба успеаа да освојат бод против Валенсија и тоа Реал Мадрид, Атлетико Мадрид и Леванте. Валенсија во овој момент се наоѓа на второто место во шпанското првенство со 27 освоени бодови и четири помалку од лидерот Барселона, а во наредното коло ги очекува гостување кај тимот на Еспањол.