Челси го освои Светското клупско првенство. Во финалето победи против ПСЖ со 3:0 и го освои вториот трофеј оваа година, откако во мај ја освои Конференциската лига. Двапати прецизен беше Кол Палмер во 22. и 30. минута, а Жоао Педро погоди во 43. минута.
Палмер беше херој на Челси со два гола и асистенција, а заслужено ја понесе наградата за играч на натпреварот. По натпреварот изјави дека во Лондон се гради одличен тим: „Тренерот Мареска гради нешто специјално, имаме одличен млад тим. Многумина зборуваа многу глупости за нас во текот на сезоната, но мислам дека сме на вистинскиот пат“.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Тренерот состави одличен план за игра. Знаеше каде ќе има простор, знаеше како да ме ослободи што повеќе, а јас само се обидов да му возвратам со голови. Чувството е одлично. Уште е подобро бидејќи сите се сомневаа во нас пред натпреварот. Знаевме дека треба да излеземе на теренот и да се бориме, токму како што направивме, против одличен тим“, заврши Палмер.
Фото: Принтскрин
Учество во игри на среќа е дозволено за лица со 18+ години. Играј одговорно!