Арсенал во директни преговори со Челси за една од ѕвездите

Лондонските ривали Арсенал и Челси влегуваат во директни преговори за трансферот на англискиот офанзивец Нони Мадуеке, потврдуваат повеќе извори блиски до двата тима.

Како што беше објавено минатата недела, 22-годишниот фудбалер веќе постигнал личен договор со Арсенал, прифаќајќи петгодишен договор со „топчиите“. Договорот предвидува долгорочен ангажман и значајна улога во проектот на тренерот Микел Артета.

И покрај тоа што Мадуеке е подготвен за преселба на „Емирати“, сè уште постои финансиска разлика во проценките на трансферната вредност помеѓу Арсенал и Челси.

Преговорите ќе продолжат во наредните денови со цел двете страни да најдат заеднички јазик и да се утврди дали и под кои услови трансферот може да се реализира.

Фото: Принтскрин