Фудбалскиот клуб Брегалница од Штип наскоро ќе добие нов сопственик – турскиот гигант Фенербахче. Според информациите објавени од телевизијата М Нет, токму денеска се очекува официјализирање на договорот со кој Фенербахче ќе стане мнозински сопственик на штипскиот клуб, кој моментално настапува во Втората лига.
Улични кучиња: Системски или човечки проблем? | Уште еден поткаст
Новите инвеститори ќе откупат 85 проценти од акциите на клубот, додека Општина Штип ќе задржи 15 отсто од сопственоста. Вредноста на зделката изнесува 300.000 евра, сума што е рамномерно распределена – по 150.000 евра за Општината и за досегашниот сопственик Кирил Гогов.
Во договорот меѓу двете страни е предвидена и заштитна клаузула – клубот мора да настапува во највисоките две рангирани натпреварувања (Прва или Втора лига). Доколку Брегалница испадне во Трета лига, сопственичкиот удел на турската страна автоматски ќе се врати на Општина Штип.
Учество во игри на среќа е дозволено за лица со 18+ години. Играј одговорно!