Шок за Барселона: Вилијамс го продолжи договорот до 2035 година!

Атлетик на своите социјални мрежи објави дека го продолжува договорот со својот напаѓач Нико Вилијамс до 2035 година, а сега и клазулата во договорот ќе се зголеми за 50%.

Досега оваа клаузула изнесуваше 60 милиони евра, што значи новата надминува 90 милиони. Ова е големо изненадување бидејќи досега со месеци се шпекулираше дека Вилијамс е во напредни преговори со Барселона, а шпанските медиуми дури и го сметаа трансферот за завршен. Сега, Барселона остана без најголемиот трансфер оваа сезона и ќе мора да бара нови решенија.

Фабрицио Романо пишува дека проблемот произлегол од неспособноста на Барселона да го регистрира Вилијамс, што е спротивно од информациите кои ги објавуваат шпанските медиуми, според кои каталонскиот клуб конечно ги задоволил сите финансиски правила на лигата.

💥 Nico Williams го обнови договорот со Athletic Club до 2035.

Црвено-белиот крилен играч му е верен на клубот од срцето на наредните десет сезони и неговата откупна клаузула се зголемува над 50%. #NicoWilliams2035 #AthleticWIN 🦁

— Athletic Club (@AthleticClub) July 4, 2025