„Бомба“: Тајсон Фјури се враќа од пензија!

Тајсон Фјури (36) ќе го прекине своето пензионирање и повторно ќе се врати на боксерската сцена во 2026 година. Оваа вест ја потврди највлијателната личност во светот на боксот, Турки Алашик, кој изјави дека разговарал со „Кралот на Циганите“ и добил уверување дека Фјури ќе се врати следната година.

“Разговарав со него, имам негов збор дека ќе биде дел од спектаклот во Ријад во 2026 година. Имаме уште работа”, изјави Алашик. Последен пат Фјури влезе во рингот минатата година. Во декември, вторпат се бореше против Олександр Усик и загуби со едногласна одлука на судиите. Тоа му беше вториот пораз во професионалната кариера, првиот му го нанесе исто Усик.

Тој меч се одржа во мај минатата година и беше борба за апсолутен шампион во тешка категорија и најголемата боксерска борба на 21 век. Усик тогаш победи, исто така со одлука на судиите, а Фјури го запиша својот прв пораз. Оствари 34 победи, од кои 24 со нокаут, а последен пат славеше во 2023 година кога ја победи ММА ѕвездата Франсис Нгану.

‼️ Tyson Fury is set to come out of retirement and return to boxing in 2026, Turki Alalshikh has confirmed.

Alalshikh said: “I talked with him, and I have his word to have him in Riyadh Season in 2026. We have a rabbit to hunt.” pic.twitter.com/bnKABwM6nz

— Ring Magazine (@ringmagazine) July 2, 2025