Засилување во Милано: Пристигна репрезентативецот на Италија!

Италијанскиот репрезентативец Самуеле Ричи, кој има само 23 години, стана нов член на Милан. Тој доаѓа како прво големо засилување ова лето и ќе го замени Тијани Рејндерс.

Рејндерс беше продаден на Манчестер Сити за околу 60 милиони евра, оставајќи празнина во средниот ред на Милан. Негов наследник ќе биде италијанскиот репрезентативец Самуеле Ричи.

Ричи, член на Торино, веќе подолго време е неизоставен дел од италијанската репрезентација. Тој пристигна од Торино за сума од 25 милиони евра.

Овој млад фудбалер вчера доцна пристигна во Милано, каде што го пречекаа многубројни новинари и ТВ екипи.

🔴⚫️L’arrivo a Milano di Samuele #Ricci🇮🇹
Domani mattina le visite mediche, poi la firma con il #Milan pic.twitter.com/Y2qK1slcA6

— Antonio Vitiello (@AntoVitiello) July 2, 2025

Утрово помина медицински прегледи, а италијанските медиуми внимателно го следат развојот на неговиот трансфер во Милан, во кој гледаат голем потенцијал и придонес за италијанската репрезентација.

И покрај младоста, Ричи долго време беше капитен на Торино и клучен играч. Основната улога му е како дефанзивен и централен играч од средниот ред, со 10 настапи за италијанскиот национален тим.

𝗥𝗜𝗖𝗖𝗜-𝗗𝗔𝗬: 𝗩𝗜𝗦𝗜𝗧𝗘 𝗠𝗘𝗗𝗜𝗖𝗛𝗘 🔛

Samuele Ricci è arrivato da pochi istanti alla clinica la Madonnina per iniziare l’iter del suo primo giorno rossonero: è tempo di visite mediche 🔴⚫️

Nel pomeriggio l’idoneità sportiva e la firma sul contratto quadriennale (con… pic.twitter.com/tQ7tGZVHPg

— MilanPress.it (@MilanPress_it) July 3, 2025

Кариерата ја започна во Емполи, од каде што во 2022 година за 8,5 милиони евра премина во Торино. Во меѓувреме, неговата пазарна вредност порасна на 30 милиони евра.

Ричи е првото големо засилување за Милан ова лето, а по него се очекува да потпише и големата ѕвезда Лука Модриќ, кој сè уште се натпреварува на Светското клупско првенство со Реал Мадрид. Откако ќе ги заврши обврските таму, ќе се префрли во Милано и ќе потпише договор со седумкратниот европски првак.