Oливие Жиру пред изненадувачки трансфер – се враќа во Европа!

Познатиот француски фудбалер, Оливие Жиру (38), е на чекор да се врати во својата татковина, каде што би потпишал нов договор со екипата на Лил.

Ако ова стане реалност, Жиру ќе се врати во Франција по 13 години. Во минатото настапуваше за Монпелје, кој го водеше до сензационалната титула во 2012 година, по што замина во Арсенал.

Покрај Арсенал, играше и за Челси и Милан, а со француската репрезентација го освои Светското првенство во Русија 2018 година.

Неговиот договор со Лос Анџелес истекува на крајот од годината, и се чини дека клубот ќе му дозволи трансфер во Лил, бидејќи не се премногу задоволни од неговата игра во оваа и претходната сезона.

Во француската репрезентација, Жиру одигра 137 натпревари и постигна 57 голови.