Mиленикот на „Комити“ се врати во Скопје: Ќе го вратиме Вардар на врвот!

Екипата на Вардар денеска го промовираше Иван Чупиќ кој пристигнува како наследник на Гиљермо Милано.

Чупиќ со Вардар како ракометар освои две титули во ракометната Лига на шампиони, а сега како главна цел ја истакна враќањето на домашната титула.

Ќе потсетием, екипата на Еурофарм Пелистер во изминаттите три години го освојуваше тронот.

„Кога се појави Вардар, не можев да ја одбијам понудата, ова е мојот втор дом. Благодарен сум на Метковиќ за шансата да започнам како тренер. Целата екипа треба да ја сфати одговорноста која ја носиме со дресот на Вардар. Нашата цел е јасна – да ја вратиме титулата.

Со мојот нов стручен штаб сакам да пренесам ентузијазам, желба, стравопочит кон грбот на овој клуб. Тоа ќе го почнам од првиот ден. Ова е клуб кој е поголем од сите нас поединци. Со огромен ентузијазам и желба сакам да ги исполниме целите на клубот. Можам да кажам дека јас и мојата екипа ќе се однесуваме професионално и ќе го ставиме Вардар пред себе. Ќе работиме максимално за да го вратиме клубот на врвот по три години, каде што му е местото“, изјави Чупиќ.

Фото: SEHA League