Реал Мадрид објави нови информации за состојбата на Мбапе

Реал Мадрид информира дека нивниот напаѓач, францускиот репрезентативец Килијан Мбапе, е пуштен од болницата во Мајами каде што беше примен во четвртокот поради гастроентеритис, кој го доби на Светското клупско првенство што се одвива во САД.

„Нашиот играч Килијан Мбапе е пуштен од болница и се врати во тренинг кампот. Тој ќе продолжи со посебен медицински третман и постепено ќе се вклучи во тимските активности“, соопшти Реал.

Поради гастроентеритис, Мбапе беше изолиран од тимот уште во вторник и не настапи во мечот од првото коло против Ал-Хилал во средата. Засега, неговото учество во второто коло против Пачука в недела е „неизвесно“.