Германскиот фудбалски бундеслигаш РБ Лајпциг бара за својот напаѓач Бенјамин Шешко помеѓу 80 и 100 милиони евра, пренесуваат германските медиуми. Голема заинтересираност за 22-годишниот словенски напаѓач покажаа Арсенал и Њукасл Јунајтед, но сепак ниеден англиски клуб се уште не испратил официјална понуда. Сепак, Билд наведува дека Шешко ги договорил личните услови со Арсенал, и сега преостанува лондонскиот клуб да ја договори сумата со Лајпциг.
Германските медиуми наведуваат дека Лајпциг ќе бара помеѓу 80 и 100 милиони евра. Шешко е во Лајпциг од 2023 година, а играл е и за РБ Салцбург, Лиферинг и Домжале. Досега за германскиот клуб постигнал 39 голови во 87 настапи, а за словенската репрезентација има 41 настап и постигнато 16 голови. РБ Лајпциг во последните сезони прави одлични трансфери.
Сè што треба да знаете за НОВИОТ формат на Светското клупско првенство! ↓↓↓
Така го продаде хрватскиот репрезентативец Јошко Гвардиол во Манчестер Сити за 90 милиони евра, Доминик Собослај се префрли во Ливерпул за 70, а Кристофер Нкунку во Челзи за 60, токму како и Наби Кеита во Ливерпул. Дани Олмо ја продолжи кариерата во Барселона за 55 милиони евра откуп.
Фото: Принтскрин
Учество во игри на среќа е дозволено за лица со 18+ години. Играј одговорно!