Голем пресврт: Шешко се договорил со гигант од Премиер лигата!

Арсенал и Бенјамин Шешко ги договорија сите услови и сега ја чекаат разврската во преговорите со РБ Лајпциг.

Според “Bild”, Словенецот ги прифати сите барања на Арсенал, пред него е долгорочен договор и позиција на прв напаѓач, но уште останува клубовите да се согласат околу откупната цена.

Претходно се пишуваше дека Арсенал нема намера целосно да ги исполни очекувањата на РБ Лајпциг и да плати над 80 милиони евра, но како пренесува “Bild”, понудата нема да биде многу под очекуваната сума.

Некои претпоставуваат дека Арсенал може да вклучи бонуси за да ја постигне сумата од 80 милиони, што може да го остави Лајпциг без многу избор, особено ако и Шешко побара трансфер откако договори личните услови.

Интересно е што во одреден период се шпекулираше дека Арсенал ги договорил личните услови со Виктор Ѓокереш, но изгледа тоа била само „игра“ на директорот Андреа Берта за да ја намали цената за Шешко.

Од друга страна, Ѓокереш сега нема многу избор помеѓу тимови кои ќе играат во Лигата на шампионите. Манчестер Јунајтед сè уште е заинтересиран за него, но дали ќе прифати, останува да се види, бидејќи и Јувентус го повикува.

Се на се, изгледа дека Микел Артета не го промени својот план да го донесе Шешко, кого го посакуваше уште минатото лето, кога Словенецот реши да остане во Германија.