Наполи купува уште една ѕвезда на Манчестер Сити

По Кевин Де Бројне, Наполи тргна и по – Џек Грилиш!

Многу извори денес пренесуваат дека Наполи е сериозно заинтересиран за уште еден играч од Сити и дека италијанскиот шампион е подготвен да плати до 45 милиони за неговиот трансфер.

Наполи испрати почетна понуда од 35 милиони евра, но доби одговор дека ќе треба да ја зголеми и е подготвен да го направи тоа.

Макар што Антонио Конте сакал и Алехандро Гарначо, Манчестер јунајтед го прецени својот играч на дури 70 милиони, што Наполи не сака да го плати.

Од друга страна, Грилиш исто така е по вкусот на Антонио Конте и Наполи е подготвен да ја зголеми понудата.

Се разбира, важен фактор е и Де Бројне, со кого Грилиш ја делеше соблекувалната од неговото доаѓање од Астон Вила во летото 2021 година за 117 милиони евра.

Грилиш и Де Бројне во својот врв на форма беа клучни во системот на Пеп Гвардиола, особено во освојувањето на историската “триплета” во сезоната 2022/23.

Сигурни сме дека Конте ќе може да им ја најде жицата во Серија А и повторно да ги направи вистинско дуо, заедно со Ромелу Лукаку, Скот МекТоминај и многу други актуелни шампиони на Италија.