Франко Мастантуоно, 17-годишниот супер талентиран играч од Аргентина, наскоро и официјално ќе го засили составот на Реал Мадрид.
Улични кучиња: Системски или човечки проблем? | Уште еден поткаст
Младиот фудбалер веќе ги заврши лекарските прегледи во Мадрид, а неговиот трансфер од Ривер Плата во редовите на кралскиот клуб ќе биде наскоро и формално потврден.
Според достапните информации, Мастантуоно потпишал шестгодишен договор, а Реал Мадрид за овој трансфер ќе издвојува дури 45 милиони евра – значителна сума за играч кој само што влегол во светот на сениорскиот фудбал.
Момче со големи потенцијали
И покрај тоа што зад себе има само една цела сезона во дресот на Ривер Плата, Мастантуоно веќе успеа да се истакне со извонредна зрелост, техника и храброст на теренот. Неговите потези веќе ја привлекуваат вниманието како на навивачите, така и на скаутите ширум светот.
Одличните натпревари не му останаа незабележани ни на селекторот – неодамна дебитираше и за сениорската репрезентација на Аргентина, што е уште еден показател дека станува збор за играч со огромен потенцијал.
Погледнете ги мајсториите на Мастантуоно:
Учество во игри на среќа е дозволено за лица со 18+ години. Играј одговорно!