Уште едно изненадување од Милан, со Модриќ доаѓа и неговиот соиграч

Лука Модриќ е пред потпис со Милан и сè би требало да биде официјално наредната седмица, а се чини дека Хрватот не е единствениот кој ќе оди од Мадрид во италијанскиот град на модата.

Алегри сака да потпише двајца врзни играчи кои одговараат на неговите тактички идеи. Еден од двата трансфера кои ги предложи искусниот тренер е Лука Модриќ.

Новиот тренер на Милан, наводно, го има на ум Дани Себаљос. Мацимилијано Алегри сака играч со искуство во европската елита, но помлад од 30 години, така што Себаљос одговара на профилот кој го бара.

Во секој случај, на Модриќ ќе му биде мило ако и Себаљос тргне со него, бидејќи тој сепак е еден од неговите соиграчи, момче со кое Лука имаше особено добар однос за време на престојот во Мадрид и кого многу го цени.

Покрај Себаљос, желба на Алегри е и Адриен Рабио, кој го тренираше во Јувентус, а кој моментално е во Франција и игра за Марсеј.