„Бомба“: Влаховиќ се сели во големиот ривал на Јувентус

Српскиот напаѓач и репрезентативец Душан Влаховиќ ова лето сигурно ќе го напушти Јувентус, но би можел да остане во Серија А.

Тој влезе во последната година од договорот и Јувентус сака да го продаде, а сега интерес за него покажува Милан.

Алегри одлично го познава Влаховиќ и повторно го сака во својот тим, а Милан е спремен да ја плати сумата која Јувентус ја бара.

Проблем може да биде платата па Влаховиќ доколку сака да се пресели во Милан ќе мора да прифати намалување на актуелната плата од 12 милиони евра.