Бојан Маркоски го презема кормилото на Работнички

Поранешниот македонски првак Работнички денеска официјално го претстави Бојан Маркоски како нов предводник на тимот.

Маркоски ја презема тренерската функција од Горан Станиќ и пред него е сериозен предизвик – да го подготви тимот за настап во квалификациите за Конференциската лига на УЕФА, каде што „романтичарите“ ќе се обидат да остават значаен европски траг.

Во својата тренерска кариера, Маркоски има интернационално искуство како помошник во кипарските клубови Етникос Ахна и АЕЛ Лимасол.

Фото: ФК Работнички