Мекинро објасни како Ѓоковиќ има повеќе шанси да го победи Синер

Иако е 38-годишник, 15 години постар од својот денешен ривал – Новак Ѓоковиќ е поблиску до победа во полуфиналето, колку што борбата ќе биде подолга. Ова, на прв поглед нелогично тврдење, го даде Џон Мекинро на ТВ ТНТ спорт.

– Верувале или не, јас мислам дека Новак ќе има поголеми шанси против Јаник Синер ако мечот оди во пет сета – кажа легендарниот Американец. – Иако Ѓоковиќ е постар, мислам дека на Синер ќе му биде штетно што не играл многу во последно време – се потсети тој на тримесечната суспензија на италијанскиот ас.

Синер ја издржа казната поради два позитивни допинг теста и на теренот се врати во Рим пред околу еден месец. Ролан Гарос му е второто натпреварување после оваа пауза.

Фото: Grok AI