Не траеше долго потрагата за наследникот на Симоне Инзаги и сега нема повеќе дилеми за тоа кој ќе го преземе водството на Интер… Тоа ќе биде Кристијан Киву!
Како што пренесува миланскиот весник Газета дело Спорт, член на познатата генерација на Нераѕурите која ја освои Триплетата ќе потпише двегодишен договор уште во петок за да ја подготви екипата навреме за Светското клупско првенство кое е на програмата подоцна овој месец.
Македонија се дави во ѓубре - решението го бараме во Данска
Киву стигнува на стадионот Џузепе Меаца недолго откако со Парма успеа да го обезбеди опстанокот во Серија А. Тој го презеде клубот Млекаџии во февруари и на патот до обезбедување на опстанок во првенството постигна три победи, седум нерешени и три порази.
Парма се обиде со него да преговара нов договор, меѓутоа сè се промени кога Интер влезе во трката. Спортскиот директор Пјеро Аузилио по враќањето од Лондон веднаш се упати во клупската централа за да ги заврши последните детали на договорот.
Учество во игри на среќа е дозволено за лица со 18+ години. Играј одговорно!