Ѓоковиќ: Ќе играм на Вимблдон и Ју-Ес Опен, а потоа…

Непосредно по освоената 100-та титула во Женева, Новак Ѓоковиќ покажа емоции поради големата победа.

„Имаше повеќе славење по натпреварот… Толку интензивен меч, бев многу нервозен, само сакав да завршам со тоа и да седнам на клупата – затоа немаше претерана реакција во тој момент на победа“, вели Новак и додава:

„Сепак, кога моите деца влегоа на терен, кога ги видов, се почувствував поинаку и се освестив колку беа тие среќни – и затоа заедно сите славевме“.

Ѓоковиќ зборуваше и за неговите идни планови.

„Мислам дека резултатот на Роланд Гарос нема да има пресуден фактор на понатамошниот тек на мојата кариера, на пошироката слика. Тоа е тоа, не би додал ништо тука, ќе видиме како ќе помине ова овде. Не знам што треба да се случи за да кажам: ‘Е, нема повеќе да играм по Роланд Гарос’. Ми се игра уште, Вимблдон и УС Опен сигурно сакам да ги играм до крајот на годината. Останатото ќе видиме кога ќе дојде“, додаде тој.

Фото: Принтскрин